fbpx

ТУРЦИЈА, Автобус (Кушадаси, Ефес, Памуккале, Кападокија, Анкара, Истанбул)

  • Понудата е објавена на 09/11/2020
 
ПРОГРАМА НА ПАТУВАЊЕТО:
 
30.декември (среда)         СКОПЈЕ - КУШАДАСИ
Состанок на групата на паркингот спроти хотел "Holiday Inn" во 13:30 часот. Поаѓање за Турција во 14:00 часот. Дневно и ноќно возење со попатни одмори.
 
31.декември (четврток)    КУШАДАСИ - ЕФЕС - СЕЛЏУК
Во утринските часови премин преку Мраморното море со траект кај градот Чанакале. Патувањето продолжува кон Кушадаси со  посета на еден од најбогатите археолошки локалитети од античкиот период Ефес. Потоа следи посета на  куќата на Богородица во која според легендите ги минува последните години од својот живот, како и црквата на Св.Јован во Селџук. Пристигнување во Кушадаси и сместување  во хотел во попладневните часови. Вечерта, организиран дочек на Новата 2021 година во хотелот со музичка програма и специјалитети од турската кујна. Ноќевање. 
 
01.јануари (петок)             КУШАДАСИ - КРСТАРЕЊЕ
Појадок. Слободен ден за одмор и индивидуални прошетки низ градот. Во пладневните часови, можност за факултативно крстарење со брод покрај брегот на Кушадаси. Вечера. Ноќевање. 
 
02.јануари (сабота)            КУШАДАСИ - ПАМУККАЛЕ
Појадок. Патувањето продолжува кон Памуккале и Хиераполис. Разгледување на античкиот град Хиераполис кој е под заштита на UNESCO од 1988 година како дел од светското културно наследство. Основан е  во 2 век п.н.е. како термална бања, а именуван е по веќе постоечкиот храм или по божицата Хера. Посетете  ги  импресивната гробница, главната улица и нејзините порти, термалните бањи, римскиот театар и музејот. Незаборавна можност да ги видите и скалестите базени создадени со седиментација на варовник и калциум, исполнети со термална вода која на некои места достигнува и до 100 °C. Попладнето посета на грчкиот антички град Афродисијас изграден во чест на грчката божица Афродита (божица на убавината), посетувајќи ги Храмот на божицата, стадионот, Агората, Одеонот, Адриановите бањи. Сместување во хотел. Вечера. Ноќевање.
 
03.јануари (недела)          ПАМУККАЛЕ - КОЊА - КАПАДОКИЈА
Појадок. Напуштање на собите и заминување кон Коња. Минувајќи низ некогашната област Лаодикеја во Мала Азија, пристигнуваме во старата Турска престолнина Коња, седиште на Селџучката Империја. Коња е позната како центар на ортодоксното исламско учење. Посета на турбето на Мевлена, поет и филозоф од 13 век, основач на мистичниот ред на дервиши познати по својот танц. Заминување кон Кападокија со попатна посета на Аксарај и Султанхан, најстаријот карвансарај (ан) во Анадолија изграден во 1229 година. Пристигнување во Кападокија. Сместување во хотел. Вечера. Ноќевање.
 
04.јануари (понедлник)    КАПАДОКИЈА
Појадок. Целодневна посета на Кападокија – "Колевка на Христијанството" – област во која се криеле христијаните за време на големите прогонувања во I и III век, тука ги граделе своите цркви, кога христијанството било забранувано. Посета на долината Дервент, необичен регион на фасцинантни облици од камен, варовник и туфови карпи наречени 'волшебни оџаци' создадени во текот на милиони години под влијанието на вулканите и ерозијата. Патувањето продолжува кон Долината на Монасите каде што ќе имате можност да го видите импресивниот планински врв во облик на печурка, следува посета на Ѓореме – музејот на отворено во долината Ихлара во кој се наоѓаат голем број на цркви и христијански населби кои датираат од пред неколку стотици години... На крај завршуваме со посета на подземниот град Кајмакали изграден во ранохристијанскиот период, период во кој  прогонетите христијани ги граделе своите скривалишта и цркви под земја. Враќање во хотел. Вечера. Ноќевање.
 
05.јануари (вторник)          КАПАДОКИЈА - АНКАРА - ИСТАНБУЛ 
Појадок. Заминување за Анкара. Пристигнување во престолнината на Турција, панорамски разглед на градот; Мавзолејот на Ататурк - ' Tатко на нацијата', зградите на владата и парламентот, можност за посета на Музејот на Анадолиските цивилизации, каде хронолошки се изложени експонати од палеолитот до денес. Патувањето продолжува кон Истанбул. Дневно возење со попатни одмори. Пристигнување во Истанбул во вечерните  часови. Сместување во хотел. Ноќевање.
 
06.јануари (среда)              ИСТАНБУЛ
Појадок. Панорамско разгледување на градот: Римскиот аквадукт, Таксим, Ак Сарај, Бајазитовата џамија, Универзитетот, Хиподромот, Сината џамија, црквата Света Софија, Топ Капи музејот, Вселенската Патријаршија... Слободно попладне за индивидуални прошетки низ центарот на градот и старата Капали чаршија. Ноќевање.
 
07.јануари (четврток)         ИСТАНБУЛ - СКОПЈЕ
Појадок. Можност за факултативно крстарење со брод по Босфор, со панорамско разгледување на европскиот и азискиот брег на градот. Слободно време за индивидуални активности со посета на шопинг центар.  Заминување за Македонија, дневно и ноќно возење со попатни одмори. Пристигнување во Скопје  наредниот ден во утринските часови.
 
Цена на аранжманот:
379 € (23.500,00 мкд)
349 € (21.640,00 мкд) за резервации до 15.ноември
 
ВО ЦЕНАТА НА АРАНЖМАНОТ Е ВКЛУЧЕНО:
- Превоз со туристички автобус на наведената релација
- Сместување во двокреветни соби во хотели 4* (Кушадаси, Памуккале и Кападокија) 5 полупансиони и во хотел 3* (Истанбул), 2 ноќевања со појадок.
- Организирани панорамски разгледи според програмата со локални водичи
- Организиран дочек на Новата 2021 година во хотел 4* во Кушадаси.
- Организација на аранжманот и придружник на патувањето
 
ВО ЦЕНАТА НА АРАНЖМАНОТ НЕ Е ВКЛУЧЕНО:
- Влезници за музеите и културно историските споменици (Ефес 11€, Куќата на Богородица 10€, Св.Јован 4€, Крстарење крај Кушадаси, Хиераполис 11€, Афродисијас 5€, Мавзолејот на Мевлена 3€, Ѓореме 7€, Кајмакали 7€, музејот на Анадолиските цивилизации 6,5€, Аја Софија, Топ Капи, Крстарење по Босфор...) 
* Цените се предмет на промена во зависност од курсот: турска лира-евро !
- Индивидуално патничко осигурување (информации во агенцијата)
 
НАПОМЕНИ
- Датум на важност на пасош: минимум 120 дена од датумот на враќање.
- За реализација на аранжманот потребен е минимум од 40 патници
- За овој аранжман важат Општите услови за патување на СКТМ

КОНТАКТ

  • 11-ти Октомври бр. 13, 1400 Велес
  • 078 730 777

ОТВОРЕТЕ ЈА НАШАТА
А ОДБЕРЕТЕ ЈА ВАШАТА СТРАНА ЗА ПАТУВАЊЕ !!!

Работно време

Понеделник - петок 09.00 - 17.00

Сабота 

Top